

D2658

།མགོན་པོ་མི་འཁྲུགས་པ་སྒྲུབ་པའི་ཐབས་སློབ་དཔོན་ཛི་ཏཱ་རིས་མཛད་པ་རྫོགས་སོ།། །།བླ་མ་གཉན་གྱིས་རང་འགྱུར་དུ་མཛད་པའོ།།[་]@##། །མི་འཁྲུགས་པའི་སྒྲུབ་ཐབས་བཞུགས།། @##། །བཅོམ་ལྡན་འདས་མི་བསྐྱོད་པ་ལ་ཕྱག་འཚལ་ལོ། ། སྒྲུབ་པོ་དམ་ཚིག་ལྡན་པ་ཡིས། །དགོན་པའམ་གྲོང་མཐའ་ལ་སོགས་པར། །ཁྲུས་བྱས་གཙང་མར་བྱས་པ་ཡིས། །ལས་བྱས་བདེ་བའི་སྟན་ལ་འདུག་།རང་ལྷར་གསལ་བའི་ཐུགས་ཀ་རུ། །པདྨ་ཟླ་བའི་སྟེང་དུ་ཧཱུཾ། །དེ་ལས་འོད་ཟེར་འཕྲོས་པ་ཡིས། །བླ་མ་དང་ནི་མི་བསྐྱོད་པ། ། སྤྱན་དྲངས་མདུན་དུ་བཞུགས་པ་ལ། །བདུན་པོ་རྣམ་པར་དག་པ་བྱ། །ཚད་མེད་བཞི་དང་ལྡན་པར་ནི། །ཆོས་རྣམས་ཐམས་ཅད་དངོས་མེད་པར། །སེམས་ཀྱིས་བསྒོམ་པར་བྱས་ནས་ནི། ། ལས་ཟླ་བའི་དཀྱིལ་འཁོར་བསམ། །རང་གི་ས་བོན་དེ་དབུས་སུ། །བསམས ནས་དམ་ཚིག་ཕྱག་རྒྱ་བཅའ།།དེ་ནས་རང་གི་ས་བོན་དང་། །ཕྱག་མཚན་ཕྱག་རྒྱ་དེ་བྱིན་བརླབ། །དེ་རྣམས་གྱུར་པས་མི་འཁྲུགས་པ། །ཞལ་གཅིག་ཕྱག་གཉིས་སྐུ་མདོག་སྔོ། །གཡོན་པ་པད་གཞག་རྡོ་རྗེ་དང་། །གཡས་པས་ས་གནོན་ཚུལ་ཅན་བསྒོམ། །ལྟག་འོག་རིམ་པ་ཇི་བཞིན་ དུ།།སངས་རྒྱས་རྣམས་ཀྱིས་དབང་བསྐུར་རོ། །རང་ཉིད་རང་ལྷར་བསྒོམས་ལ་ནི། །མི་འཁྲུགས་མདུན་ནམ་སྤྱི་བོར་བསམ་། །རང་ལུས་མི་འཁྲུགས་བསྒོམས་ལ་བསྟིམ། །ཐུགས་ཀར་པད་ཟླའི་ཧཱུཾ་ལས་ནི། །དབུས་སུ་མི་བསྐྱོད་པ་ཉིད་བསྒོམ་། །ཕྱོགས་བཞིར་སངས་རྒྱས་བཞི་བསྒོམ་བྱ། ། མཆོད་དང་བསྟོད་དང་བཟླས་པ་བྱ། །སྒྲ་དང་སེམས་དང་གཞི་ལ་གཞོལ། །ཡན་ལག་བཞི་དང་དམིགས་པ་གསུམ། །གཞན་དང་རང་དོན་བསྙོན་པ་ནི། །གྲངས་དང་སུས་དང་མཚན་མའོ། །དངོས་གྲུབ་བཟླས་པའི་རིམ་པ་ནི། །ངག་དང་ཤིབ་བུ་རྡོ་རྗེ་བཟླས། །ཡིད་དེ་བརྗོད་དང་བཅས་པ་བཞི། ། མེ་དང་སྒྲ་དང་སྒྲ་མཐར་གསུམ། །ཐུན་གསུམ་དག་ཏུ་བཟླས་པར་བྱ། །གཉིས་ནི་མཆོད་བསྟོད་གཏོར་མ་སྦྱིན། །དེ་ལྟར་ཐུན་གསུམ་སྦྱོར་བ་ཡིས། །བསྙེན་པ་སྔོན་དུ་རབ་སོང་བས། །གང་འདོད་དངོས་གྲུབ་བསྒྲུབ་པའི་ཕྱིར། །དེ་ནི་ལས་ལ་སྦྱར་བར་བྱ། །པདྨོའི་འོད་ལ་ཆར་ཆུ་ཡིས། །ཁ་ཟུམ འོད་ཀྱིས་འབྱེད་པའམ།།ཉི་མ་མེ་ཤེལ་མི་འབྱུང་བཞིན། །མི་ཡི་ལུས་ལ་དངོས་གྲུབ་སྟེར། །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་དུ་ནི་མྱུར་རུ་སངས་རྒྱས་ཤོག་།འགྲོ་ལ་ཕན་ཕྱིར་ཆོས་རྣམས་སྟོན་བྱེད་ཅིང་། །སེམས་ཅན་སྡུག་བསྔལ་གཟིར་ལས་སྒྲོལ་བར་ཤོག་།